Një aksident me pasojë plagosjen ka ndodhur mbrëmjen e sotme në aksin Korcë-Pogradec. Burime bëjnë me dije se drejtuesi ishte i dehur dhe ka dalë nga rruga në afërsi të fshatit Sovjan.
Ai është dërguar me urgjencë në spital pasi ka marrë plagë të shumta. Në automjet ishin edhe 2 persona të tjerë, gjendja shëndetësore e të cilëve paraqitet jashtë rrezikut për jetën.
Gjatë ditës së sotme janë raportuar disa aksidente në akse të ndryshme të vendit. Më i rëndi ishte në Orikum ku mbeti i vdekur një 57-vjecar që po udhëtonte me bicikletë kur u përplas nga automjeti.