LIGJET E BIZNESIT
Nga Ylli DYLGJERI
Për herë të parë posti i Sekretarit të Përgjithshëm u vu në administratën publike në vitin 2000, pas miratimit të ligjit të shërbimit civil në dhjetor të vitit 1999.
Nga ajo kohë kanë kaluar 20 vite dhe ky post ende është i paqartë, i lëvizshëm, i tjetërsueshëm, i përdorshëm, dhe anatemuar nga politika. Qysh në diskutimin e projekt ligjit në vitin1999, që u bë nën asistencën europiane pati mjaft debate deri për ndryshimin e emrit, nga Sekretar Permanent që e kish europa në Sekretar i Pergjithshëm qe e votoi politika këtu. Konflikti i emrit qëndronte se politika nuk e duronte dot një nëpunës të përhershëm, të vazhduar, ashtu siç edhe e kërkonte qëllimi i këtij posti në shërbimin civil për mirëadministrimin e taksave të publikut në administratën shtetrore. Ndërkohë në Europë, Sekretarët Permanent qëndronin në detyra
prej 15- 20 vitesh pa lëvizur nga posti edhe pse politika ndrohej me zgjedhje. Ligji i Shërbimit Civil i mbronte me seriozitet nëpunësit.
Në vitin 2000 kam qënë edhe Unë ndër të parët që konkurova për këtë post në Ministrinë e Rendit. Konkurimi u bë i hapur, me një komision pedagogësh dhe specialistësh të drejtësisë dhe ekonomisë. Konkuruam 37-te vetë nga i gjithë vendi dhe institucionet. Provim me teza dhe me gojë. Në fund sipas pikëve të marra fituam 3 vetë dhe vlerësimet
Ju vunë në tavolinë Ministrit të kohës për përzgjedhje, ashtu siç e kërkonte Ligji Civil. Në përfundim Ministri sipas preferences se Tij, vendosi një nga emrat e 3-s.
E përshkrova këtë procedure për të ardhur sot pas 20 viteve përsëri të rekrutimet për këtë post civil, po në Ministrinë e Brëndshme, që është tjetërsuar në post ushtarak!
Dje administrata dhe publiku u njoh me dorëheqjen e Sekretarit te Përgjithshëm te MB, (edhe pse arsyet e doreheqjes nuk i njohim) dhe emërimin blic të një Sekretareje të re!
Nga njoftimet në shtyp mësuam se Sekretarja erdhi ose “zbriti me parashutë” nga Kryeministria në Ministrinë e Brëndshme tak – fak! Emërim tërësisht jo ligjor. Emërim klientelist, jashtë proceduralisht, nepotist, feminisit, Agaçist, …ist, …ist, …ist.Turp!
Ky është shteti dhe admnistrata që bëri Edi Rama.
Nuk ka më ligj të shërbimit civil. Ka agallare.
Agaçi apo agallarët vendosin kush dhe ku do të vendosen Sekretarët e Përgjithshëm në Administratë!
Praktikë e ndjekur edhe me ekzistuesit deri më sot. Agaçi i qarkullon sekretarët si zarat në kazino. Ai rekruton, propozon, qarkullon, emron, dikton, tenderon, grumbullon…Kjo është administrata zhele e Rilindjes.
Mos e gëzofshi Sekretaren!
