Thyen depon dhe u armatosën deri në dhëmbë, arratisen më shumë se 200 të burgosur

Forcat ushtarake dhe të sigurisë së Ugandës po ndjekin një grup prej 210 të burgosurish që janë arratisur nga burgu duke marrë me vete të paktën 15 armë. Dy prej tyre u vranë nga forcat e sigurisë gjatë operacionet të gjerë për rikapjen e tyre, ka bërë me dije zëdhënësi i ushtrisë.

Kjo ngjarje ka ndodhur mbrëmjen e së mërkurës nga kompleksi i Karamoja, rajoni i largët gjysmë shkretëtirë. Para arratisjes ata thyen depon e armatimit të burgut nga ku morën 15 kallashnikovë, 20 karikatorë dhe municione të tjera.

“Është një arratisje masive … ata ishin kriminelë të rangut të ashpër.”- ka deklaruar zëdhënësi i ushtrisë duke shtuar se mes tyre kishte vrasës, grabitës dhe përdhunues.

Më tej ai shtoi se gjatë operacionit të gjerë të sigurisë ishin rikapur dy të burgosur, përveç dy të vrarëve.

“Ata kanë pasur kohë gjithë natën për t’u fshehur, kjo i komplikon paksa përpjekjet por ne do t’i kapim ata.”- tha zëdhënësi i ushtrisë.

Kjo është arratisja e tretë e të burgosurve në Uganda që prej shpërthimit të epidemisë së koronavirusit, teksa frika nga virusi ka motivuar më shumë kriminelët për t’u arratisur. Karamoja, zona malore e Ugandës në kufi me Kenian është gjithashtu rajon i pasur me minerale si floriri.

Burimi: TheGuardian