OFL ndalet sot në Tiranë/ Kush janë 4 ‘të fortët’ që duhet të deklarojnë pasurinë ‘një për një’ (EMRAT)

Ditën e sotme Operacioni Forca e Ligjit i ka dërguar formularin për deklarimin e pasurisë 4 personave të cilët janë të dënuar më parë për vrasje, kanosje, trafikim të të rriturve dhe prodhim droge.

Mësohet se nën ‘shënjestër’ janë vënë: Nderim Markola, Durim Dervishi, Kliton Nanushi si dhe Ergys Mëcuku.

Nderim Markola banues në Tiranë, i dënuar për veprën penale “Vrasja në rrethana të tjera cilësuese”;

Durim Dervishi banues në Tiranë, i dënuar për veprën penale “Shtrëngimi me anë të kanosjes ose dhunës për dhënien e pasurisë”;

Kliton Nanushi banues në Tiranë, i dënuar për veprën penale “Trafikimi i personave të rritur”;

Nushi është kapur në bazë të operacionit Euro në 2017-ën ku janë sekuestruar 500 € të dyshuara si të falsifikuara.

Ergys Mëcukun banues në Tiranë, i dënuar për veprën penale “Prodhimi dhe shitja e narkotikëve”.

NJOFTIMI ZYRTAR I POLICISE

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

1. M., banues në Tiranë, i dënuar për veprën penale “Vrasja në rrethana të tjera cilësuese”;

D.D banues në Tiranë, i dënuar për veprën penale “Shtrëngimi me anë të kanosjes ose dhunës për dhënien e pasurisë”;

1. N., banues në Tiranë, i dënuar për veprën penale “Trafikimi i personave të rritur”;
2. M., banues në Tiranë, i dënuar për veprën penale “Prodhimi dhe shitja e narkotikëve”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.