VIDEO/ Ja çfarë detyrohet të bëjë sot efektivja e Petro Ninit

Efektivja e Shqiponjave Blerta Dervishi, e cila pak javë më parë preku zemrat e të gjithëve me rezistencën për mbrojtjen e banesës së saj në zonën e Petro Ninit, sot është vënë në një situatë aspak të këndshme.

Blerta Dervishi, efektivja e policisë sot është shfaqur në krye të detyrës te Bregu i Lumit.  Ajo tashmë është rikthyer në punë dhe sot po ruan rendin edhe qetësinë në protestën e banorëve te Bregu i Lumit.

Në videon e mëposhtme Dervishi shfaqet përballë banorëve, të cilët janë jo pak të irrituar dhe mundohet t’i qetësojë ata.  E qetë në punën e saj ajo po largon banorët nga rrënojat e shtëpive.

Kush është Blera Dervishi?

Blerta Dervishi është efektivja e policisë e cila luftoi për të mbrojtur banesën e saj te “Petro Nini” dhe kundërshtoi edhe forcat e policisë. Ajo u pezullua edhe disa ditë nga detyra,  por u shpreh se gjithë atë e bëri për të mbrojtur banesën ku do të rritë dy fëmijët e saj. Ajo pak javë më parë ishte në të njëjtën situatë si banorët e Bregut të Lumit.

Për gjithë veprimet e saj ajo u shpreh: “Jam qytetare e thjeshtë, e lirë për të mbrojtur pronën time, e lirë për të mbrojtur familjen time, e lirë për të mbrojtur fëmijët e mi sepse nuk kam ku të shkoj tjetër.” Ndërsa sot është në krye të detyrës.

Burimi: Dosja.al