A do ti kërkoni falje nëse Basha bëhet kryeministër? Jozefina Topalli habit me përgjigjen e prerë

Ish-kryetarja e Parlamentit Jozefina Topalli zgjedh të komentojë shpeshherë aktualitetin politik në Shqipëri.

Të njëjtën gjë ka bërë dhe së fundmi, ku ka folur rreth kryetarit të Partisë Demokratike Lulzim Basha, me të cilin duket se nuk i ka fort mirë marrëdhëniet.

E pyetur nga gazetari Roland Qafoku nëse Basha bëhet kryeministër dhe ajo do ti kërkojë falje publike, ish-kryeparlamentarja ka dhënë një përgjigje të drejtpërdrejtë.

Sipas Topallit, që Basha të bëhet kryeministër kjo është shumë larg mundësisë së realizimit, ndërsa theksoi se nuk e ndryshon mendimin për njerëzit si ata ndryshojnë karriget.

“Unë nuk ndryshoj mendim si njeriu ndryshon karrige. E para e punës kjo është shumë larg mundësisë së realizimit dhe ky është problemi për të cilën unë flas. Por unë nuk kërkoj falje pse ato ndryshojnë karriget midis tyre. Sikur sjellja të ishte ndryshe, sigurisht do kërkoja falje”, u shpreh Topalli në programin “Hard Talk”.