Djali i ish kryeministrit Sali Berisha, Shkëlzen Berisha i ka kthyer përgjigje gazetares Mira Kazhani, pasi kjo e fundit e përmendi në reagimin e saj drejtuar ish kryeministrit.
Sali Berisha publikoi foton dhe të dhëna të tjera lidhur me 17-vjeçarin që u aksidentua nga gazetarja një javë më parë. Pas statusit të ish-kryeministrit reagoi gazetarja, e cila në përgjigje përfshiu edhe djalin e Berishës.
“Nëse nuk u beson policëve, pyet Zenin që ka makinë, dhe do të të thotë se në autostradë përparësi ka makina e jo këmbësori, që rrezikon jetën e tij e të të tjerëve dhe vetëm Zoti mund ta shpëtojë. Ose lexo Kodin Rrugor dhe gjej aktekspertizën time, nëse Zeni është me pushime”, shkruajti Kazhani në përgjigjen ndaj Sali Berishës.
Ndaj gazetares reagoi me ironi Shkëlzen Berisha, i cili në facebook shkruan se edhe për aksidentin e Mirës fajin e kishte babai i tij.
“Pasi shtypi një 17-vjeçar përgjigja epike e Mira Kazhanit ishte: Fajin e ka Saliu!, thekson statusi i tij.
