LIGJET E BIZNESIT
Presidenti francez Emmanuel Macron shpall emergjencën kombëtare, pas zjarrit masiv që ka përfshirë katedralen e Notre-Dame në Paris.
Dëmet janë të jashtëzakonshme në një prej momenteve më të famshme të botës. “Po digjet gjithçka dhe nuk do mbetet asgjë në strukturën prej druri”, ka deklaruar më herët zëdhënësi i katedrales, Andre Finot.
Zjarri shkaktoi shembjen e çatisë dhe bashkë me të dhe majën simbol të qytetit. Dyshimet e para për shkaktimin e zjarrit është restaurimi që po zhvillohej në katedralen e Notre-Dame.
Po ashtu, nënsekretari i brendshëm francez, Laurent Nunez është shprehur se katedralja e Notre-Dame ka pësuar dëme të rënda. “Nuk jemi të sigurt që mund ta shpëtojmë”, tha ai.
Ndërkohë, mijëra njerëz janë mbledhur nëpër rrugët rreth katedrales, duke vëzhguar flakët në heshtje. Disa të tjerë janë filmuar duke qarë. Zjarri ra në katedralen e Notre-Dame rreth orës 18.00, pas largimit të vizitorëve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
