LIGJET E BIZNESIT
Pas situatës së tensionuar, gjatë protestës së ditës së shtunë ka reaguar edhe shkrimtari dhe publicist, Kim Mehmeti.
Ai nuk i ka kursyer kritikat e ashpra ndaj Ramës dhe Lleshajt, duke thënë se policia dhe ushtria nuk janë për të ruajtur pushtetin, por shtetin:“policitë e ushtritë ia kanë dalë të mbrojnë shtetin e popullin nga armiku, por jo edhe sunduesit nga populli i vet!”-shruan ai
“Si nuk u gjet një këshilltar i vetëm dashamirës i Kryeministrit të Shqipërisë që t’ia rikujtojë të vërtetën e dëshmuar gjatë shekujve se, me polici e ushtri mbrohet shtetit, e jo pushteti! Dhe se policitë e ushtritë ia kanë dalë të mbrojnë shtetin e popullin nga armiku, por jo edhe sunduesit nga populli i vet!
Dhe si nuk doli një burrë i vetëm, e t’i tregojë Ministrit të Brendshëm të Shqipërisë se nuk u janë ndërtuar përmendore lavdie gjeneralëve që kanë mbrojtur sunduesit nga populli i vet, por atyre që kanë mbrojtur vatan e popull nga pushtues e sundues të dhunshëm!”, shkruan Mehmeti.
