Familjarët kanë gjetur pa ndjenja, e më pas kanë dërguar të pajetë në spital djalin e tyre. I riu Sokol Ibrahimi, 32-vjeç është dërguar pa shenja jete në spitalin e Sarandës.
Burime tregojnë se ngjarja ka ndodhur rreth orës 23:30, mjekët tregojnë se janë përpjekur t’a risjellin në jetë, por ka qenë e pamundur. Paraprakisht dyshohet se shkak për vdekjen ka qenë overdoza.
Policia e njoftuar për ngjarjen nga bluzat e bardha ka nisur hetimet për zbardhjen e plotë të rrethanave të vdekjes së 32-vjeçarit, sakaq priten hetimet e plota për të dhënë versionin e plotë për ngjarjen.
