Oferta tradicionale e “kafesë’’ është në opinionin tim, njëra prej ofertave më frustruese e cila mund të bëhet.
Së pari, duhet t’a bëj të qartë se nuk jam kundër njerëzve të cilët takohen për kafe ose ata të cilët pijnë kafe. Problemi im është se e kam mësuar se oferta për të pirë kafe zakonisht do të thotë se dikush dëshiron diçka nga unë.
Qoftë kohë, para ose për t’i ndihmuar ata për të bërë një lidhje, oferta për të pirë një kafe gjithmonë ka një motiv prapa saj. Ju mund të mendoni se unë nuk dua të ndihmoj të tjerët, por çështja e vërtetë janë tjerat mundësi të cilat i kam para meje. Unë jam shumë i zënë, kështu që dedikimi i kohës time në një takim ‘’të shpejtë’’ për kafe nuk ka shumë kuptim.
Pse nuk takohem kurrë me dikë për kafe
Orët e kaluara në zyrë duke bërë biznes nuk janë koha për t’u ulur, relaksuar ose shoqëruar. Unë provoj të jem sa më efikas dhe i suksesshëm që mundem gjatë orarit të punës. Oferta tradicionale e ‘’kafesë’’ në opinionin tim është njëra prej ofertave më frustruese e cila mund të bëhet. Unë rrallë e pranoj ofertën e drekës gjatë orarit të punës. Vetëm merrni në konsideratë sasinë e kohës që merr për të shkuar në një takim për kafe ose për drekë, dhe se sa shumë biznes mund të bëhet në të njëjtën kohë. Pastaj, mendoni për joefikasitetet e përdorimit të asaj kohe për gjëra si bisedat e shkurtëra, edhe para se të filloni të flisni për biznes.
Kini një objektiv në mendje
Unë kam objektivin që të provoj dhe të mbaj çdo thirrje telefonike në maksimum pesë minuta. Kur është fjala tek takimet personale, preferoj që ato të mbahen në zyrën time ose të përkojnë me takimet tjera të cilat i kam jashtë zyrës.
Edhe atëherë, provoj të mbaj ato takime deri në 20 minuta. Kjo më jep mundësi të pranoj sa më shumë takime ose thirrje që është e mundur. Shumë njerëz bëjnë arsyetimin se ata ‘’po bëjnë biznes’’ dhe pastaj largohen nga zyra për të bërë gjëra të parëndësishme.
Mos më keqkuptoni, nuk po ju këshilloj të mos takoni njerëzit personalisht. Po ju them të merrni kontrollin e mundësive të biznesit dhe t’i bëni që ato të vijnë tek ju, ose takoni ata diku ku është e përshtatshme kur jeni jashtë zyrës.
Jo kafe, vetëm punë monotone.
Shumica e takimeve për drekë dhe kafe të cilat ndodhin nuk janë asgjë tjetër përpos përdorimit joefikas të kohës. Ju sygjeroj jo vetëm të refuzoni takime të tilla gjatë orarit të punës, por gjithashtu të ndaloni së kërkuari takime për kafe vetëm nëse ato janë shumë të nevojshme.
Si të vendosni nëse një takim është i nevojshëm? Shikoni arsyet dhe ndikimet që takimi mund të ketë. Nëse këto peshojnë më shumë se sa të metat e atij takimi, atëherë është e pranueshme t’a kërkoni. Sigurohuni të fokusoheni që të bëni efikasitetin një parim kyç dhe ju do të zbuloni se ai fokus do ju ofrojë gjithçka që dëshironi në jetë dhe biznes. (Ekononomia Online)
