Reshjet që ranë sot në kryeqytet kanë shkaktuar bllokim të shumë akseve rrugorë. Një prej tyre është ai përpara Ndërmarjes së Ujësjellës Kanalizime, Tiranë në zonën e Kombinatit.
Siç duket edhe nga fotot, uji ka krijuar një thellësi prej disa centimetrash në trotuar, duke shkarkuar edhe në rrugën kryesore. Trotuari është tërësisht i pakalueshëm, po ashtu edhe një pjesë e rrugës dhe shihen punonjësit që të veshur me çizme dhe uniformë që po punojnë për shkarkimin e ujërave.
Nën pushtetin e ujit është edhe ndarësja anës rrugës. Një situatë alarmante në një nga zonat, ku vetëm pak kohë më parë Bashkia e Tiranës njoftoi se u rehabilitua.
