Sot ka ardhur një dëshmi tronditëse nga Spitali Infektiv, ku një grua ka rrëfyer se ka nënën e shtruar aty, e cila po trajtohet nga COVID19.
Sipas saj nëna është e intubuar dhe gjatë kontaktit që ka patur me të, i ka thënë se nuk i kanë dhënë as një gotë ujë.
“Nëna më tha nuk më japin ujë dhe nuk më ndërrojnë. Edhe koordinatorët nuk dinë të sillen. Shumë keq situata. Vijnë shumë dhe vdesin shumë. Nuk janë ato shifrat që publikojnë. Ndërkohë që nuk kemi asnjë lloj informacioni”, u shpreh gruaja për News 24.
Gjithashtu gruaja shtoi se është bërë pishman që e ka sjellë nënën e saj në spital, ndërsa deklaron se i ka kërkuar mjekëve që ta marrë në shtëpi.
“I thashë doktoreshës që ta marr nënën në shtëpi dhe të japë frymën e fundit”.
