LIGJET E BIZNESIT
Opozita e bashkuar proteston sot pasdite në bulevardin “Dëshmorët e Kombit”. Ndërsa na ndajnë gati 6 orë nga nisja e protestës, ish-deputeti i PD-së Klevis Balliu ka deklaruar për protestën e sotme se do të ketë supriza.
“Shqiptarët gjithmonë suprizojnë. Kjo nuk është një protestë e një partie politike, por kjo është një revoltë, ndaj ka surpriza.
Ne rrezikohemi nga bashkepunimi i Ramës me kriminelët. Ky sot është uragan i cili në histori do të njihet si shkatërimi i sistemit komunist” , u shpreh ai në Fax News.
Balliu nuk ishte i vetmi, më herët edhe ish-deputeti i PD-së, Flamur Noka ka deklaruar se sot do të ketë surpriza. Noka në “News 24” u shpreh se zemërimi popullor kundër Kryeminsitrit, Edi Rama dhe qeverisë së tij, ka arritur pikën e vlimit dhe për pasojë do të ketë surpriza të mëdha.
Gjithashtu ish-kryeministri, Sali Berisha njoftoi pak më parë se “Cunami” po afron.
