Policia e Kavajës ka arrestuar një 60-vjeçar, pasi akuzohet se ka ngacmuar seksualisht një 13-vjeçare. Mësohet se ngjarja e rëndë ka ndodhur në plazhin e Golemit, teksa vajaza dhe 60-vjeçari ndodheshin me pushime. Fillimisht 60-vjeçari ka ngacmuar me fjalë vajzën e më pas me veprime, duke e prekur në pjesët intime.
Ndërkohë, para oficerëve të Policisë 60-vjeçari nuk ka pranuar se ka ngacmuar 13-vjeçaren, ndërsa e mitura ka dëshmuar se ai e ka ngacmuar dhe e ka prekur në vende intime.
Një tjetër ngjarje e rëndë ka ndodhur në muajin qershor në zonën e Babrusë në Tiranë. 64-vjeçari, Abaz Doku, roje shkolle abuzoi seksualisht mbi një 15-vjeçare. 64-vjeçari e filmoi gjithë skenën dhe me anë të pamjeve e kërcënonte vajzën që nëse nuk kryente sërish marrëdhënie me të, do t’i publikonte ato. E gjendur nën presion, 15-vjeçarja është bindur. Tashmë 64-vjeçari është arrestuar nga Policia.
