Një sherr me thika ka ndodhur mes 5 personave në fshatin Tac të Ersekës, për shkak të disa konflikteve me pronat. Pasditen e sotme disa kushërinj kanë debatuar me njëri-tjetrin për zaptimin e tokës.
Më pas debati ka degraduar në përdorimin e thikave e për pasojë është plagosur rëndë njëri prej tyre. Ky i fundit është transportuar në spitalin e Korcës dhe ndodhet jashtë rrezikut për jetën. Ndërsa të tjerët, gjithashtu të plagosur lehtë janë shoqëruar në Komisariat, ku edhe po merren në pyetje lidhur me ngjarjen.
Mësohet se personat e përfshirë në konflikt janë përfshirë edhe njerëz që jetojnë prej vitesh jashtë shtetit.
Gjatë përplasjes, një prej autorëve të plagosjes ka tentuar që të largohet nga vendi i ngjarjes dhe në nxitim e sipër ka përplasur një kalimtare femër, e cila gjithashtu është transportuar për në spital.
Ndërkohë Policia ka mbërritur në vendngjarje dhe ka nisur punën për zbardhjen e plotë të ngjarjes.
