Kryeministri i Kosovës, Avdullah Hoti thotë se është shëruar ngaCOVID-19.
Me anë të një postimi në rrjetin social Facebook, Hoti tha se është rikthyer në zyrë, pasi u trajtua për dy javë dhe qëndroi në izolim.
“Shfrytëzoj rastin që t’ju bëj thirrje sërish, të jemi të kujdesshëm dhe të respektojmë në përpikëri masat për mbrojtje nga COVID-19. Ka ende qytetarë që nuk besojnë se virusi ekziston dhe kjo është shqetësuese. Numri i rasteve me të infektuar dhe viktima vazhdon të jetë i lartë, prandaj derisa të zbulohet vaksina, ne duhet të tregojmë kujdes të shtuar”, ka shkruar Hoti në Facebook.
Postimi i plotë:
Pas dy javësh trajtimi mjekësor dhe në izolim, sot u jam kthyer detyrave në zyrë i shëruar plotësisht nga Covid-19.
Bashkëndjej dhe u dëshiroj shërim të shpejtë të gjithë të prekurve. Shfrytëzoj rastin që t’ju bëj thirrje sërish, të jemi të kujdesshëm dhe të respektojmë në përpikëri masat për mbrojtje nga COVID-19. Ka ende qytetarë që nuk besojnë se virusi ekziston dhe kjo është shqetësuese. Numri i rasteve me të infektuar dhe viktima vazhdon të jetë i lartë, prandaj derisa të zbulohet vaksina, ne duhet të tregojmë kujdes të shtuar.
Bashkë me kabinetin, jemi të vendosur më shumë se kurrë që ta shtyjmë përpara agjendën e Qeverisë së Republikës së Kosovës dhe t’u qëndrojmë pranë qytetarëve e bizneseve në ballafaqimin me pasojat e shkaktuara nga pandemia. #Bashkë #vendosemasken
Kujtojmë se më 2 gusht, kryeministri Hoti kishte njoftuar se ishte infektuar me koronavirus dhe kishte kryer punët e tij si kryeministër nga shtëpia.
Aktualisht në Kosovë, raste aktive me sëmundjen COVID-19 janë 3.708 persona.
