LIGJET E BIZNESIT
Ditën e sotme, ministri i Shtetit për Rindërtimin, Arben Ahmetaj ka inspektuar nga afër kantierin e shtëpive të reja në Golem, një nga zonat më të prekura nga tërmeti i 26 nëntorit.
Ahmetaj u shpreh se ritmi i ndërtimit të njësive individuale është shtuar. “Deri në fund të këtij viti, një pjesë e familjeve që kanë humbur shtëpisë në 26 nëntor, do të futen në shtëpitë e tyre. Do të festojnë Vitin e Ri në shtëpitë e tyre të reja. Po vijojmë me shkollat. Me pallatet, do të hapim themelet në fund të shtatorit ose në tetor. Maxhoranca fokusohet tek rindërtimi, nuk është kusht, por ditë pune”,- tha Ahmetaj.
Kujtojmë se puna për rindërtimin e banesave individuale ka nisur paralelisht edhe në njësitë e tjera, Luz, Helmas, Synej dhe në qytetin e Kavajës, ndërsa vijojnë me ritme të shpejta punimet për rindërtimin e infrastrukturës në dy zonat e reja zhvillimore, Kavajë dhe Golem.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
