Pasi iu hoqi targat diplomatike 38 konsujve të nderit, ministri i Jashtëm i deleguar, Gent Cakaj iu ka bërë thirrje diplomatëve që të dorëzojë pasaportat e tyre diplomatike menjëherë.
Cakaj bëri thirrje që të dorëzohen të 350 pasaportat diplomatike që janë dhënë nga shtetit shqiptar pasi do të bëhet një ligj i ri për ata që do ta përfitojnë sërish atë.
Sipas tij, se Shqipëria ka dyfishin e pasaportave diplomatike krahasuar me vendet e tjera në rajon, kjo bëhet për t’i kthyer identitetin pasaportës diplomatike pasi theksoi se përfitonin që nga shoferët dhe deri te diplomatët.
“Të dorëzohen 350 pasaportat diplomatike. Diplomatët të dorëzojnë pasaporta diplomatike dhe ato të shpallen të pavlefshme. Këto janë çudirat që kanë vazhduar për 20 vite këtu. Rrjedhoje të kësaj besueshmërie, është edhe refuzimi i shumë vendeve europiane dhe lëvizjen e tyre.
Si mund të flasim pastaj për liberalizmin e pasaportave të zakonshme. Përmirësimi i kuadrit ligjit për pasaportat diplomatike po bëhet për t’i kthyer identitetin asaj, por i dërgoj menjëherë qeverisë VKM që të kalojë këtë ligj.
Duhet të ndryshohet kuadri ligjor për lëshimin e pasaportave diplomatike. Kanë përfituar edhe shoferët. Grupi i punës po bën gati ndryshimet në ligj dhe do ja çojmë kuvendit. Edhe pasaporeta e zakonshme e Shqipërisë duhet të marrë rëndësinë e vet. “- u shpreh Gent Cakaj.
