Zëvendës ndihmës sekretari amerikan i shtetit, Matthew Palmer, ka zhvilluar sot një takim me gazetarët, për të diskutuar për krizën politike.
Mësohet se në këtë takim Palmer është shprehur se Shqipëria ka qeveri legjitime dhe ai nuk është në Shqipëri për të sjellë një platformë për të zgjidhur krizën. Më tej Palmer u shpreh se se opozita duhet të marrë pjesë në zgjedhje.
“Shqipëria ka një qeveri legjitime me të cilën në bashkëpunojmë. Ajo është vend aleat dhe do të ketë suportin tonë. Kam besim se kjo qeveri do të çojë vendin përpara dhe do vazhdojë me zbatimin e reformave si ajo në drejtësi”, tha Palmer.
“Nuk jam këtu për të negociuar një platformë me palët. Të gjitha partitë politike duhet të marrin pjesë në zgjedhje dhe duhet të punojnë fort për to dhe procesin politik. Opozita duhet të gjejë një mënyrë për të marrë pjesë në zgjedhje. Inkurajoj të gjitha partitë të marrin pjesë në zgjedhjet e qershorit”.
Mathew Palmer është takuar dje me Kryeministrin Edi Rama, në një bisedë që ka zgjatur më shumë se 1 orë e 30 minuta. Sot pasdite pritet që të zhvillojë dhe takimet me opozitën dhe me Presidentin, të cilat përfundojnë dhe vizitën e tij në Tiranë.
