Banorët e “Bregut të Lumit”, të cilët u plagosën gjatë momentit të përplasjes me efektivët e policisë kanë treguar dhunën që është ushtruar ndaj tyre.
Një prej tyre është Flora Mandri, ajo është nxjerrë me dhunë nga shtëpia e saj, ndërkohë gjendet e shtruar në Spitalin Ushtarak me fraktura në këmbë dhe trup.
Flora është takuar nga afër prej ish-deputetit të PD-së, Klevis Balliu, të cilit i ka treguar se policia ka hedhur edhe gaz lotsjellës për t’i shpërndarë.
“Na kanë hedhur gaz në kohën që na kanë marrë neve në polici lart. Atëherë e kanë hedhur gazin. Unë kam dhimbje të madhe për Zotin”,- dëgjohet të thotë ajo në një video të shpërndarë nga Partia Demokratike.
