Tiranë/ Qëlloi me armë në ajër, pranga 48-vjeçarit të dënuar më parë

Është vënë në pranga një 48-vjeçar në Tiranë, pasi ka qëlluar me armë zjarri në ajër, ndërsa udhëtonte me automjet.

48-vjeçari me iniciale A.I., qarkullonte me armë pa leje, por gjithashtu  ishte me masën e sigurisë “arrest shtëpie”.

 “Policia mori një telefonatë nga qytetarët se në rrugën e rezervave të shtetit është qëlluar në ajër me armë zjarri nga një mjet.

Shërbimet e policisë në bazë të karakteristikave të dhëna kanë bërë ndalimin e mjetit me drejtues shtetasin A. I., dhe pasagjer shtetasit R. E., 15 vjeç dhe E. E., 27 vjeç (vëllezër),”-raportuan uniformat blu.

Në momentin e kontrollit policia gjeti një armë zjarri pistoletë, që i përkiste 48-vjeçarit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në cilësinë e provës materiale u sekuestrua mjeti, pistoleta, dy krehra dhe 21 fishekë.

1. I., 48 vjeç, banues në Tiranë (me masë sigurie “arrest shtëpie” për veprat penale “Prodhim dhe shitje lëndësh narkotike” dhe Prodhim dhe mbajtja pa leje e armëve luftarake dhe municionit”).

Materialet i kaluan Prokurorisë pranë Gjykatës së Shkallës së Parë Tiranë në ngarkim të shtetasit A. I., për veprat penale “Prodhim dhe mbajtja pa leje e armëve luftarake dhe municionit” dhe “Largimi i të burgosurit nga vendi i qëndrimit”-njofton Policia.