Shpërthimi i fuqishëm në Liban/ Deri tani bilanc lufte: 78 viktima dhe mbi 4000 të plagosur

Një ngjarje e përmasave tragjike ishte ajo që goditi pasditen e djeshme kryeqytetin e Libanit, Bejrutin.

Si pasojë e shpërthimit të depove në një fabrikë fishekzjarresh, deri më tani raportohen 78 persona që kanë humbur jetën dhe numri i të plagosurve është mbi 4000.

Sipas agjencisë Reuters që u referohet zyrtarëve vendorë numri do të vijë në rritje.

Presidenti Michel Aoun tha se 2 750 ton nitrat amoniumi, të përdorur në plehra dhe bomba, ishin ruajtur për gjashtë vjet në port pa masa sigurie, Aoun kërkoi një mbledhje qeverie urgjente gjatë ditës së sotme.

Ende nuk dihet saktësisht se çfarë e ka shkaktuar shpërthimin, por dyshohet se mund të kenë qenë punimet e saldimit në një nga vrimat e depove.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Shpërthimi i parë ndodhi mbrëmë rreth orës 18.00, ndërsa një zjarr i dytë i fuqishëm tronditi akoma më shumë zonën historike të kryeqytetit të Libanit. Pas kësaj, ambulanca dhe zjarrfikëse shkuan në vendngjarje.