“Të mos dalë i pandëshkuar”, turisti ulet dhe i thyen gishtat skulpturës së çmuar italiane

Të shtunën në Itali u raportua një akt vandalizmi në një nga skulpturat më të famshme të skulptorit dhe piktorit Antonio Canova, të kryer në vitin 1804. Bëhet fjalë për skulpturën Paulina Bonaparte.

Ishin zyrtarët e Muzeut Gypsotheca Antonio Canova në Possagno, në veri të Italisë, ata që denoncuan aktin e shëmtuar.

Statuja ishte një portret mitologjik i motrës së Napoleonit.

Ashtu si shihet nga pamjet e mëposhtme, një turist austriak u ul mbi të për të bërë foto dhe u largua nga muzeu pa vënë në dijeni.

Sapo u konstatua dëmi, rojet e dhomës ngritën alarmin dhe u shpall menjëherë situata e emergjencës. Kamerat e vëzhgimit kanë kapur të gjithë sekuencën. Muzeu ka informuar në një deklaratë në rrjete sociale se po punon për restaurimin e skulpturës.

“Ne ritheksojmë që trashëgimia jonë duhet të mbrohet: adoptimi i sjelljes së përgjegjshme brenda muzeut, duke respektuar veprat dhe pasuritë e ruajtura është një detyrë qytetare”.

Vittorio Sgarbi, politikan dhe president i fondacionit Antonio Canova, e ka denoncuar aktin përmes rrjeteve sociale.

“Një turist i pandërgjegjshëm austriak u ul në Paolina Borghese, duke i thyer gishtërinjtë”, shkruan ai. Dëshira e tij është që “vandali i pavetëdijshëm” të mund të identifikohet sa më shpejt.

“Unë kërkoj qartësi dhe ashpërsi nga forcat e ligjit dhe gjyqësori, që të mos e lejojë atë të dalë i pandëshkuar dhe të shkojë në shtëpi”, shkruan Sgarbi.

Snap! CCTV shows tourist breaking Canova sculpture in Italy while posing for photo pic.twitter.com/MxHmtQHkbT

— Reuters (@Reuters) August 4, 2020