Deputetja Rudina Hajdari ka folur pas përfundimit të mbledhjes 40-minutëshe dhe tregoi se ka pasur debate të vogla, pasi opozita parlamentare ka kërkuarhapje 100% të listave për deputetë.
Hajdari u shpreh se 5 anëtarët e opozitës parlamentare kanë rënë dakord për ta votuar marrëveshjen 5 qershorin.
“Kjo mbledhje e shkurtër vjen pas një konference të kryetarëve në kuvend, për të futur në rendin e ditës nesër marrëveshjen e 5 qershorit. 5 anëtarë të opozitës parlamentare treguan dakortësi për të votuar ‘5 qershorin’. Për këtë fakt opozita jashtëparlamentare duhet të ishte në këtë tryezë. Patëm debat se ne e kemi të qartë pse jemi këtu. Duam të hapim listat 100%. Ndryshimet kushtetuese duhet të pasojnë me ndryshime në kodin zgjedhor. Ne do luftojmë që hapja e listave të behët 100%. Ata që duan ta mbajnë partinë e tyre të mbyllur le ta mbajnë. Por kandidadët nuk duhet të zgjidhen nga kryetarët, por nga populli”, tha Hajdari.
Në mbledhjen që u zhvillua te Pallati i Kongreseve ishte i pranishëm kryeministri Edi Rama, përfaqësuesi i lartë i SHBA, Ian Craëford, deputeti socialist Damian Gjiknuri, si dhe përfaqësuesit e opozitës parlamentare, Myslim Murrizi dhe Rudina Hajdari.