Kjo është arsyeja e rëndësishme se pse nuk duhet ta ulni kurrë maskën poshtë mjekrës

Prej më shumë se 7 muajsh tashmë që pandemia ka pushtuar botën, maska është kthyer në një mjet të domosdoshëm përditshmërie.

Edhe në vendin tonë ato janë bërë të detyrueshme për tu mbajtur në ambjentet e mbyllura.

Por maska ka dhe rregullat e saj të përdorimit.

Të gjithë njerëzit kanë tundimin që kur flasin, hanë apo pinë duan ta ulin poshtë mjekrës.

Mirëpo një paralajmërim i fortë vjen nga ekspertët britanikë pikërisht për këtë gjë.

Ata shprehen se nuk duhet ta bëjmë kurrë këtë veprim.

“Maskën ose mbajeni mbi gojë dhe hundë, ose hiqeni fare. Kurrë mos e mbani në mjekër sepse kur e keni mbi gojë dhe hundë, mjekra dhe gusha janë të zbuluara dhe virusi mund të përfundojë aty. Kur ju e ulni maskën në mjekër, pjesa e brendshme e saj do të bjerë në kontakt me virusin dhe kjo do të thotë se kur ta vendosni prapë mbi gojë dhe hundë, do të jeni të pambrojtur ndaj virusit”, shpjegojnë ekspertët.

“Nëse ju duhet të hani, hiqeni fare maskën”, shtojnë ata.