“Virusi nuk ka këmbë, por përdor budallallëkun”, Rama ironizon sjelljet e qytetarëve

Kryeministri Edi Rama ka marrë pjesë në inspektimin e punimeve në Ujësjellësin e Bovillës, ku ka theksuar rëndësinë e mbajtjes së maskave në ambjente të mbyllura.

Rama ironizoi edhe sjelljet e papërgjegjshme të qytetarëve dhe tha se virusi nuk ka këmbë, por përdor budallallëkun.

“Më vjen mirë që jemi sot këtu, dhe më vjen ndjesë për mos e filluar me ujin por me maskat. Shumë e rëndësishmë që ajo të vendoset në mjedise të mbyllura. Për të mbrojtur veten e të tjerët. Shumë e rëndësishme që secili mos e humbasë vëmendjen nga numrat. Që e shikoni ishte e pritshme, por rriten. Ndërkohë që në kushtet e reja të krijuara, o do mësohemi të bashkëjetojmë me këtë armik të padukshëm ose do të biem viktima të budallallëkut tonë. Luftën me budallallëkun do e bëjë secili, qeveria do bëjë maksimumin, por në luftën me budallallëkun duhet ta bëjë individi nëse s’do të bjerë secili. Dhe një shprehje që e kam mësuar, ‘’Virusi nuk ka këmbë, por përdor budallallëkun”, tha Rama.