Atentati i ndodhur para pak kohësh në në Laç, ku mbetën të vrarë Paulin Gjergji dhe Bujar Lika, nuk ka ndodhur për një konflikt banal. Kështu është shprehur gazetari investigative Artan Hoxha.
Sipas Hoxhës, atentati ka qenë i porositur dhe autorët kanë shkuar atje për dikë tjetër.
Hoxha tha se pas Eduart Lamajt të arrestuar si autor të vrasjes, fshihen disa porositës që ende nuk janë identifikuar.
“Nuk është një ngjarje që është bërë me konflikt banal, është ngjarje që është bërë me porosi, ata kanë shkuar atje për tjetërkënd. Porositësit janë të paidentifikuar, po hetohet ende dhe shpresoj t’i shkojë deri në fund,” u shpreh Hoxha në AbcNews.
