Krahas seancës parlamentare që po zhvillohet aktualisht, presidenti Ilir Meta ka dalë në një konferencë me gazetarët.
Gjatë fjalës së tij Kreu i Shtetit u shpreh se nuk do të njohë ndryshimet Kushtetuese.
Argumenti që përdori Meta ishte se këto ndryshime bien ndesh me rekomandimet e Komisionit të Venecias.
Presidenti shtoi se në Kuvend janë të ligjshëm vetëm 82 deputetë dhe asnjë ndryshim Kushtetues nuk mund të jetë legjitim në të tilla kushte.
“Ndryshimet Kushtetuese janë një akt i njëanshëm që nuk njihen nga Presidenti i Republikës”, tha Meta.
Por sipas presidentit, lëvizja e mëpasme e Ramës për të ndaluar koalicionet parazgjedhore e zerojnë këtë marrëveshje të arritur.
Meta u shpreh se të gjithë aktorët politikë, vendas dhe ndërkombëtarë janë kundër Ramës dhe lëvizjes së tij.
“Shënoj si arritje të këshillit politik marrëveshjen e 5 qershorit edhe për ecurinë e procesit të integrimit në BE.
Kjo marrëveshje u mbështet fort nga përfaqësuesit e komunitetit ndërkombëtar në Tiranë dhe u përshëndet nga sekretari i Shtetit, Mike Pompeo, Komisioneri Joseph Barel dhe komisionari i Zgjerimit, i Oliver Varhelyi.
Përfshirja dhe konsensusi i arritur do të konsideroheshin si suksese.
Por iniciativa e mazhorancës për ta ndryshuar e prish në mënyrë të njëanshme marrëveshjen e 5 qershorit e zeron këtë marrëveshje dhe do të dëmtonte edhe kredibilitetin e ministrit të Jashtëm njëherësh kryeministër dhe si drejtuesi i OSBE.
Propozimi për ndryshimet kushtetuese zeron përpjekjet. Palët t’i qëndrojnë marrëveshjes, kur për këtë janë investuar edhe SHBA, Britania dhe BE-ja. Këto ndryshime të njëanshme janë në kundërshtim me komisionin e Venecias.
Ndryshime të sistemit duhet të nisin një vit para zgjedhjeve. Këtë qëndrim e ka mbajtur edhe zyra e OSBE-së që ka thënë se është shumë vonë”, u shpreh Ilir Meta.
