Aksion në Vlorë/ Policia në ndjekje të një gomoneje, ja për çfarë dyshohet

Policia është vënë në ndjekje të një gomoneje të dyshuar për aktivitet të paligjshëm.

Aksioni po ndodh në ujërat e detit të Vlorës.

Sipas informacioneve paraprake, janë 7 mjete detare të policisë ku po e ndjekin në det të hapur dhe në ndihmë u ka ardhur dhe një dron.

Mjeti lundrues që po ndiqet nga policia ndodhet pranë gjirit të Dafinës, në gadishullin e Karaburunit.

Nga ana tjetër autoritetet shqiptare po përcjellin informacion te pala italiane që të bëhet i mundur izolimi i mjetit.

Dyshohet se gomonia është e ngarkuar me drogë dhe ka si destinacion Italinë.