Masat kundër pandemisë/ Ky është shteti i rradhës që mbyll kufijtë me Shqipërinë

Në kuadër të masave kundër frenimit të pandemisë, Hungaria ka marrë një tjetër vendim të fortë.

Duke  filluar nga mesnata e së martës, ky shtet do të ndalojë banorët e vendeve afrikane, shumicës së vendeve aziatike dhe disa shteteve europiane që të hyjnë në territorin e saj.

Këtë lajm e bëri të ditur qeveria hungareze duke theksuar si arsye shtimin e rasteve të reja në mbarë botën.

‘Ne duhet të ruajmë veten, në mënyrë që virusi të mos sillet nga jashtë. Shkalla e infeksionit këtu po bie dhe ne duam ta mbajmë atë kështu’, tha Gergely Gulyas, kreu i kabinetit të kryeministrit Viktor Orban, para gazetarëve.

Si rrjedhim nga kjo masë e re preken vendet afrikane dhe aziatike, me përjashtim të Kinës dhe Japonisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Në Europë, masa vlen për Shqipërinë, Bosnjë-Hercegovinën, Maqedoninë e Veriut, Kosovën, Bjellorusinë, Malin e Zi dhe Ukrainën.