Bënte kërdinë duke vjedhur nëpër biznese, arrestohet ‘skifteri’ nga Tirana

Policia e Tiranës ka vënë në pranga pasditen e sotme një 57-vjeçar.

Ky i fundit akuzohet se ka grabitur në një qëndër fizioterapie në kryeqytet një shumë prej 10 mijë lekësh të rinj.

Por mësohet se më herët, autori ka vjedhur dhe një qendër estetike, ku ka marrë artikuj me vlerë 600 mijë lekë të rinj.

Ai është identifikuar si shtetasi me iniciale D.S.

NJOFTIMI ZYRTAR I POLICISE

Nga specialistët për Hetimin e Krimit në Komisariatin e Policisë Nr. 1 u bë ndalimi i D. S., 57 vjeç, pasi në Rrugën e Elbasanit, në një qendër fizoterapie, i ka vjedhur 10000 lekë punonjëses së kësaj qendre, shtetases Xh. L.

Gjithashtu, nga veprimet hetimore ka rezultuar se ky shtetas është autori i vjedhjes në një qendër estetike, ku ka marrë disa artikuj kozmetikë me vlerë 600.000 lekë të rinj, si edhe autor i vjedhjes në biznesin në pronësi të shtetasit A. A.

Materialet i kaluan Prokurorisë së Rrethit Gjyqësor Tiranë, për veprime të mëtejshme.