Muajt e fundit kanë ngjallur debat të madh për restaurimin e katedrales së “Notre Dame” që u përfshi nga flakët vitin e shkuar. Presidenti i Francës Emmanuel Macron mbështeti një dizajn modern për restaurimin e katedrales 850-vjeçare, por së fundmi ai ka bërë një kthesë dhe ka vendosur që spiralja e Notre Dame të restaurohet në të njëjtën formë si më parë.
Ky vendim i Macron erdhi menjëherë pasi ministrja e re e Kulturës, u shpreh se katedralja duhet të rindërtohej identik sipas modelit të shkuar. “Është e vështirë të thuash se do të jetë ekzaktësisht e njëjtë, por shpirti i spirales do të qëndrojë”, tha Bachelot, pak ditë pas marrjes së rolit të ri si ministre.
Ndërkohë pritet që teknikët të hyjnë në brendësi të katedrales me litar për të çmontuar 40,000 tubat, një nga një. Kjo fazë mendohet të zgjasë tre muaj.
