Pipero kundër Binos: Nuk duhet të mbyllemi në fundjavë

Ditën e djemshme, shefja e Departamentit të Epidemiologjisë në ISHP, Silva Bino sugjeron mbylljen e fundjavave. Kjo gjë sjell uljen e rasteve me koronavirus.

Lidhur me këtë ka reaguar edhe mjeku i njohur Pëllumb Pipero.

Përmes një interviste në News24, mjeku tha se nuk e mbështet këtë ide dhe se ajo që nevojitet është respektimi i portokolleve dhe mbajtja e maskave.

Ja çfarë deklaron Pipero:

Unë nuk jam pro mbylljes në fundjavë. Nuk e mbështes mbylljen në fundjavë. Unë them të respektohen protokollet. Të shmanget frekuentimi i lokaleve të natës. Në bregdet dhe në qytete. Si dhe qytetarë të vendosin maskën. Po të zbatojnë këto qytetarët, nuk ka kthim mbrapa. S’kemi pse mbyllemi. Ja po e mbyllëm iku virusi? Jo. Aty është virusi, me ne.