Çdo ditë zbulohen fakte të reja në lidhje me tragjedinë e Kombinatit, ku nënë e bijë u vetëflijuan, ndërsa vajza tjetër arriti të mbijetonte.
Mjeku psikiatër Sadik Lal aka deklaruar se Blerta Josifi ka vuajtur nga çrregullime depressive dhe se ka qenë pacientja e tij, madje ka realizuar 4 vizita në klinikën e tij.
“Është e vërtetë që Blerta ka qenë pacientja ime. Ajo ka vuajtur nga çrregullimi depresiv, i cili ka kaluar në çrregullim depresiv psikotik më pas. Ka filluar si çrregullim ankthi i mirëfilltë.
Ka qenë shumë hermetike për shumë gjëra, që kanë ndodhur në të shkuarën. Psikozë kemi, kur personi humbet aftësinë për të gjykuar realisht. Personi humbet fillin e gjërave.
Vizitën e parë e ka bërë në 11 mars 2015. Ka kryer gjithsej 4 vizita në klinikën time. Erdhi e shoqëruar nga e motra. Në shtator-tetor u përmirësua ndjeshëm dhe e lamë të vinte në janar, të 2016-tës. Nga mua u largua në një gjendje të qetë, ushqehej mirë, nuk përdorte më qetësues.
E mbaj mend mirë, pasi ishte shumë nën peshë, nga mosngrënia siç duket. 45 kilogramë ka qenë pesha e saj. Në anamnezë më rezulton, që Blerta kishte përdorur qetësues për 2 vjet, pra nga 2013-ta”, ka deklaruar mjeku psikiatër Sadik Lala.
