Ministrja e Shëndetësisë, Ogerta Manasirliu ka postuar një video-mesazh të ambasadores Kim, për situatën e pandemisë në vend.
Kim kërkoi përgjegjësi, pasi sipas saj lufta kundër pandemisë nuk ka mbaruar.
Ambasadorja bëri apel, që në rastet kur distancimi social nuk është i mundur, duhet të vendosim maskat, në mënyrë që të mposhtim virusin.
Yuri Kim: ”Ne kemi një rrugë të gjatë për të bërë, por lufta kundër pandemisë ende nuk ka mbaruar. Masat e rrepta kanë ndihmuar në kontrollin e virusit, por tani nuk është momenti për t’u çlodhur. Tani më shumë se kurrë duhet të sillemi me përgjegjësi. Le të bëjmë të gjithë pjesën tonë për njëri tjetrin. Unë do të vendos maskë për ty, nëse ti do të vendosësh maskë për mua. E pranoj se ndonjëherë jam fajtore sepse nuk e kam vendosur maskën por nuk është kurrë vonë për të bërë gjënë e duhur. Prandaj kur distancimi social nuk është i mundur, le të vendosim maskat dhe ta mposhtim pandeminë së bashku.”
