Ashtu si e paralajmëroi më parë, kryeministri Edi Rama ka dalë në konferencë.
Aty ai ka komunikuar pak më parë një vendim që ka marrë Partia Socaliste për hapjen e listave.
Sipas Ramës forca politike që ai drejton e mbështet një proces të tillë dhe gjithashtu shqiptarët e deshirojnë atë.
“Ne kemi vendosur si PS të mbështesim një hapje të listave dhe ti japim mundësi cdo zgjedhësi të zgjedhë subjektin politik dhe të përzgjedhë preferencën për deputeten apo deputetin në listën e këtij subjekti”, tha Rama.
“Është një vendim që reflekton bindjen se hapja e listave përkon me dëshirën e një mase të madhe shqiptarësh që shkon përtej një shumice apo pakice qeverisëse.
Dua t’ju jap mesazhin se asnjëherë s’ka qenë komoditeti im por gjithmonë prioriteti është që PS të reflektojë shoqërinë dhe interesat dhe ambiciet e shoqërisë”, shtoi kryeministri gjatë fjalës së tij.
