Tiranë/ Përndiqte një grua dhe bënte veprime të turpshme, arrestohet 61-vjeçari për ngacmim s*ksual

Policia e Tiranës ka vënë në pranga një 61-vjeçar për ngacmim seksual ndaj një shtetaseje.

Ai akuzohet se e ka përndjekur në mënyrë të përsëritur, duke kryer veprime të turpshme apo duke e ngacmuar seksualisht personin në fjalë, e cila ka vendosur më pas që ti drejtohet policisë.

Menjëherë pas kallëzimit, uniformat blu u vunë në lëvizje duke arrestuar 61-vjeçarin me iniciale D.D..

“Nga specialistët për Hetimin e Krimit në Komisariatin e Policisë Nr. 4 u bë ndalimi me iniciativë i shtetasit D. D., 61 vjeç, pasi dyshohet se në periudha të ndryshme kohore, ka përndjekur, ka kryer veprime të turpshme dhe ka ngacmuar seksualisht një shtetase”, thuhet në njoftimin zyrtar të policisë.