‘Duhet të behet me ligj’ Pipero propozon masa drastike, ja çfarë thotë për mbajtjen e maskës

Në kohën që ende vazhdon pandemia në vendin tonë, një deklaratë e fortë vjen së fundmi nga mjeku infeksionist Pëllumb Pipero.

Ky i fundit ka bërë thirrje për mbajtjen e maskës, si e vetmja mënyrë sipas tij për tu mbrojtur nga infektimi.

I ftuar mëngjesin e sotëm në programin “Wake Up” Pipero tha se maska na mbron deri në 95%.

Mjeku propozoi masa drastike, ku konkretisht mbajtja e maskës duhet të jetë e detyrueshme me ligj dhe shtoi se duhet të parashikohen dhe masa ndëshkuese si gjoba, për ata që nuk e vendosin.

“Vendosja e maskës na mbron deri në 95%. Duhet të sanksionohet me ligj mbajtja e maskës, të vendoset edhe gjoba. Mbajtja e maskës në ambiente të mbyllura apo në grumbullime është domosdoshmëri, madje mund të them se nuk është e tepërt mbajtja e saj, edhe në rrugë.

Maska është mbrojtja më efikase, nuk kemi armë tjetër në dorë veç maskës dhe distancimit social. Distancimi është relative, ndërsa maska është më efikase”, u shpreh profesor Pipero.