Shërohet nga HIV-AIDS pacienti i parë në botë

Pas një rasti në Berlin dhe në Londër, pacienti i tretë ka arritur të shërohet nga AIDS në San Paolo. Por historia e tij është e ndryshme nga dy të tjerët, pasi ai ka arritur të çlirohet nga virusi i HIV falë një përzierje ilaçesh dhe jo falë një transplanti në palcë si në dy rastet e para. Lajmi vjen nga Konferenca e AIDS 2020 dhe ka qenë subjekt i një artikulli të publikuar në revistën “Science”.

Pacienti 36-vjeçar nga San Paolo ishte HIV pozitiv prej vitit 2012 dhe kishte marr pjesë në një eksperiment për një terapi, që synonte ndalimin e virusit përmes qelizave të fshehura. Problemi deri në këto momente i pazgjidhur në luftën kundër AIDS ka qenë pikërisht ky: Virusi arrinte të fshihej në organizëm duke i shpëtuar terapisë. Por falë kësaj përzierjeje medikamentesh, pacienti është i pastruar nga virusi që në vitin 2019 kur ndërpreu trajtimet, pra prej 66 javësh.

Vitamina B3

Trajtimi përfshinte një kombinim të mjekimeve antivirale  agresive (në total 5 mjekime, dy më shumë se sa trajtimi normal), shoqëruar me vitaminë B3. Studimi është koordinuar nga Ricardo Diaz në Univesitetin Federal të San Paolos, që ka komentuar në Science: “Nuk di nëse pacienti është shëruar vërtet, por në gjakun e tij kemi gjetur pak proteina virale, ato që stimulojnë mbrojtjen imunitare të organizmit”, thuhet në studimin që pranon se nuk janë kryer ende biopsitë në nyjet limfatike të pacientit për të verifikuar prezencën e virusit. Megjithatë artikulli është “intrigues” sikurse citon revista, “Science”, edhe pse ende larg të qenit i aprovuar.

Ndërkohë, dy pacientët që janë konsideruar  të shëruar nga HIV janë Timothy Ray Broën, një amerikan i lindur në viin 1966 dhe që studionte në Berlin, si dhe pacienti nga Londra, Adam Castillejo 40 vjeç. Të dy ishin trajtuar me një kurë kundër kancerit, një transplanto të qelizave staminale të palcës. Por këto qeliza janë të kushtueshme dhe mund të shkaktojnë efekte anësore të rëndësishme, ndaj ato nuk mund të jenë një kurë për 38 milionë pacientët që në të gjithë botë jetojnë me virusin Aids. Dhe për më tepër shumë persona të tjerë që kanë kryer transplant të palcës, nuk janë çliruar nga infeksioni.