Deputeti i opozitës së re Andi Përmeti ka komentuar në seancën e sotme plenare sistemin zgjedhor në Shqipëri.
Ai u shpreh nga foltorja e Kuvendit se shqiptarët po vidhen nëpërmjet një sistemi elektoral që i bën që vota e tyre mos të jetë e barabartë.
Përmeti shtoi ndër të tjera se asnjë deputet nuk është zgjedhur nga shqiptarët deri më sot, por nga kryetarët e partive.
“Sot qytetarët po vidhen nëpërmjet një sistemi dhe ligji elektoral, nëpërmjet të cilit vota e tyre nuk është e barabartë. Ka deputetët që kanë ardhur në këtë sallë, me 19 mijë vota, pork a edhe të tjerë që kanë ardhur me 7 mijë vota.
Mazhoranca socialiste ka 74 mandate, ndërkohë që nuk ka as 50% të votave të shqiptarëve. Asnjë deputet nuk është zgjedhur nga qytetarët, por nga kryetarët. Të gjithë së bashku duhet të hapin listat dhe të ndryshojmë këtë sistem”-tha Andi Përmeti.
