LIGJET E BIZNESIT
Pas vetëflijimit që ndodhi në Kombinat të Tiranës, ku nënë e bijë Zhaneta dhe Anisa Josifi u gjenden pajetë brenda banesës pasi besonin te ringjallja dhe motra e tyre Blerta ishte në gjendje të rëndë, ka folur edhe mjekja psikiatre Arjana Rreli.
Teksa opinioni publik është shokuar nga kjo histori, Rreli ka shpjeguar edhe arsyet se përse mund të ketë ndodhur ngjarja.
E ftuar në programin “Real Story”, mjekja tha se në familjen Josifi diçka ka funksionuar keq, ndërsa shtoi se tragjedia lidhet me problemet e psikozës, që në gjuhën e psikanalistëve njihet edhe si ‘çmenduri familjare’.
Pyetje: Cila ishte brava ku u fut ky virus vdèkjeprurës në familjen Josifi?
Psikiatrja Arjan Rreli: Mendoj se në atë familje diçka ka funksionuar keq. Përgjithësisht persona që zhvillojnë psikozë të indoktuar nga një lider, që ka qenë nëna ose vajza, quhet ‘cmenduri familjare’ si siptomë. Është një lider që mbi bazën e delirit të vet ka një deformim të realitetit. Vetë psikoza tenton mbylljen e personave. Personi që udhëheq zhvillon këtë mendim dhe ua dikton anëtarëve të familjes, që normalisht janë më të nënshtruarit. E tillë psikozë do një nivel inteligjence.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në përgjithësi problemet me psikozën, ose crregullimet e të menduarit, hasen te personat me inteligjencë të lartë. Kështu që nuk na cudit fakti që vajzat ishin të shkolluara. Gjithcka tregon se ishte një psikozë brenda familjes. Kjo familje kishte një traumë, ku babai i tyre i gjymtuar ishte vetëvrarë. Ky është një model shabllon që është ndjekur nga familjarët, por në një mënyrë tjetër. Fakti që ata nuk kishin asnjë raport me realitetin, e ka ushqyer këtë psikozë.
