Bënte veprime të turpshme para dy të miturave, policia arreston manjakun 56-vjeçar

Paraditen e sotme policia e Durrësit ka vënë në pranga një 56-vjeçar, me akuzën se kryente veprime të turpshme në sy të dy të miturave.

Mësohet se i arrestuari është shtetasi me iniciale R. S., 56 vjeç, banues në Durrës, pasi ka kryer veprime të turpshme ndaj 2 të miturave, 9 dhe 13 vjeç.

Pas denoncimit të familjarëve, policia ka nisur ndërkohë hetimet për ngjarjen e rëndë.

“Nga specialistët për Hetimin e Krimeve në Komisariatin e Policisë Durrës u arrestuan në flagrancë shtetasit: R. S., 56 vjeç, banues në Durrës, pasi ka kryer veprime të turpshme ndaj 2 të miturave, 9 dhe 13 vjeç,” thuhet në njoftimin zyrtar të uniformave blu.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern