Ministrja e Shëndetësisë, Ogerta Manastirliu ka publikuar një foto në Facebook ku shfaqet një infermier i Infektivit, bashkë me pacientin për të cilin po kujdeset.
Pacienti duket i shtrirë përmbys mbi krevat, ndërsa infermieri po kujdeset për të.
Në fund të postimit, Manastirliu falenderon gjithë stafin mjekësor për punën e palodhur që bën çdo ditë në luftë kundër pandemisë.
Postimi i plotë:
Infermier Korabi është aktualisht në shërbim, duke u kujdesur për pacientët e shtruar në spital, me simptoma të rënduara, si pasojë e virusit të rrezikshëm. Krenare për punën e palodhur të stafit të spitalit, që prej ditës së parë të epidemisë!
T’i ndihmojmë, duke nxitur ndjenjën e përgjegjësisë tek çdo qytetar, për respektimin e disa masave të thjeshta, efikase për të frenuar përhapjen e virusit.
