Mësuesit lajmërojnë nxënësit: Nesër dorëzoni librat, të jenë të pastër dhe të fshirë me gomë

Të gjithë nxënësit nga klasa e dytë në të pestën, që kanë marrë librat falas, duhet t’i dorëzojnë ditën e nesërme.

Mësueset kanë njoftuar nxënësit, që nesër nga ora 08:30-12:00, duhet të dorëzojnë në shkollë paketën e librave, si: matematikë, gjuhë, anglisht, qytetari dhe dituri natyre.

Sipas udhëzimit, të gjithë librat, duhet të jenë të pastër dhe të fshirë me gomë.

Njoftimi:

Përshëndetje! Uroj të jeni mirë familjarisht! Me urdhër të drejtorisë së shkollës, nesër dhe pasneser me datat  08.07.2020 dhe 09.07.2020 duhet të dorëzohen librat nga ora 8 e 30 deri në 12 në shkollë.Paketa e librave qe do dorezohet do te kete vetem librat jo fletoret e punes : matematike ,gjuha , anglisht , qytetari, dituri natyre dhe te jene te paster te fshihen me gome.Unë do jem prezent  në shkollë.Faleminderit për mirëkuptimin!  Me respekt, mësuesja.

Nxënësit nga klasat e dyta deri në klasë të pestë përfitojnë librat e shkollës falas. Kjo, me kushtin, që në përfundim të vitit shkollor, librat t’i dorëzojnë të pastër dhe të fshirë me gomë.