Gjykata e Shkallës së Parë në Kavajë dhe Gjykata e Apelit në Durrës kanë pezulluar punën si rezultat i infektimit të disa gjyqtarëve. Po nuk mbetet me kaq, edhe Prokuroria e Kavajës ka ndalur punën.
Kjo është bërë pasi në të njëjtën godinë punojnë dhe Prokurorët e Apelit Durrës.
Për Prokurorinë përjashtim do bëjnë vetëm rastet e gjykimeve emergjente për shqyrtimin e masave të sigurisë.
Ndërkohë, asnjë prokuror nuk është i prekur nga pandemia, por është urdhëruar marrja e masave paraprake, si edhe është bërë dizinfektimi i godinës.
