“Nuk them që s’kam qenë i infektuar” Budina kthehet te sheshi i Teatrit pas 2 javësh në izolim, ja mesazhi i fortë

Regjisori i njohur Edmond Budina është rikthyer në sheshin e Teatrit pas dy javësh i vetëkarantinuar në banesë.

Ai ka dhënë një mesazh të fortë duke thënë se nuk dyshon që nuk ishte i infektuar, por sipas tij mënyra sesi kryeministri Edi Rama i bëri publik emrin së bashku me të vëllait Robert Budina, ishte skandaloze.

Sipas Budinës Shqipëria është 16 galaktika mbrapa kur drejtohet nga njerëz si Rama.

”Sikundër e shikoni, gëzoj shëndet të plotë. Pas 2 javësh në një burg të detyruar, nuk them që s’kam qenë i infektuar, por mënyra si na u bënë publik emrat është skandaloz. Dhe skandalet vijojnë.

Ky i joni është skandali më i vogël. Jemi 16 fletë prapa, po 16 galaktika prapa, ne jetojmë në një vend Albanistan, përderisa drejtohet nga ca njerëz të këtij lloji, është skandaloze. Skandaloze që një kryeministër merret me dy njerëz, kurrë nuk e kishte bërë.”, u shpreh Budina.