Shefja e repartit Infektiv në QSUT, Najada Çomo ka folur rreth pandemisë në studion e emisionit Hapur.
Çomo është shprehur se kjo është periudha më e vështirë e gjithë jetës së saj. Shëfja është shprehur se ky virus është i tmerrshëm, pasi vuajtjet që shkakton tek të prekurit janë të shumta.
Ndër të tjera, Çomo është shprehur se të gjitha lajmërimet për humbjet e jetëve në spital i ka bërë ajo vet.
“Kjo është periudha më e tmerrshme gjatë gjithë punës sime. Ky është një virusi i rrezikshëm dhe i tmerrshëm. Virusi transmetohet shumë shpejt dhe shkakton vuajte shumë të mëdha tek ata që preken. Po ashtu dhe fatalitetet janë të shumta me këtë virus.
Unë kam qenë personi që kam informuar familjarët për humbjet e jetëve në spital. Imagjoni që unë ata njerëz nuk i njihja dhe ka qenë një situatë shumë e vështirë që e kam përjetuar gjithë këto kohë. Shumë herë kam derdhur lotë me kolegët për humbjen e jetëve të këtyre personave”, shtoi Çomo.
Më tej ajo u pyet nëse ndonjë pacient ka lënë ndonjë amanet në fund të jetës, e teksa nisi të rrëfente Çomo u përlot dhe tha ai është momenti më i vështirë për të.
