“Mos e shisni Shalën për 25 mijë lekë e ta mbushni me budallaçka”, ekspertja e turizmit thirrje agjencive

Ekspertja e turizmit, Flora Xhemani Baba i ka bërë një thirrje të fortë të gjitha agjencive të turizmit në vend.

Ajo i bën apel të mos e shesin Lumin e Shalës, perlën e turizmit shqiptar, për 25 mijë lekë të vjetra. Ky çmim është shumë i ulët për një perlë të tillë. Madje Baba thekson se është budallallëk që këtë destinacion ta mbushësh me budallaçka që nxjerrin shalët dhe ta mbushin me plehra.

Reagimi i plotë

Thirrje miqësore agjencive shqiptare:
Mos e shisni Shalën për 25 mijë lekë të vjetra se e shqyet! Është mëkat të shesësh një destinacion natyror elitar të kategorisë së parë për dy aspra dhe të shkosh ta mbushësh me plehra dhe me budallaçka që duan të nxjerrin shalët! Bëjeni 50 mijë lekë transportin vajtje-ardhje dhe 50 mijë drekën dhe guidën të përfshirë me detyrim, që të shmangni qeset nëpër ferra! Të shkojnë ata pak që e vlerësojnë! Dhe po s’erdhën turistë, kurrë mos ardhshin! Leruani ta eksplorojnë grupet e natyrëdashësve se ata dinë edhe ta mbrojnë. Se e bëtë si tregun e Gabit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern