PAMJET/ Me qese në dorë jashtë perimetrit të sigurisë, ja si presin familjarët e të shtruarve në Infektiv

Këto kohë nuk po kalojnë ditë të vështira vetëm pacientët e shtruar në Spitalin Infektiv, por edhe familjarët e tyre.

Sigurisht përveç shqetësimit që kanë për shëndetin, ata duhet edhe të kujdesen për nevojat e njërezve të dashur.

Familjarët presin me qese në dorë, me ndërresa dhe ushqime, përditë për të ndihmuar pacientët.

Mes tyre ndodhet dhe një e moshuar që pret jashtë rrethimit të karantinës.

Sipas njoftimit të sotëm zyrtar të Ministrisë së Shëndetësisë vijon të ketë shtrime në spital.

Aktualisht numërohen 78 pacientë në spital me koronavirus, prej të cilëve 9 në gjendje serioze në terapinë intensive, 2 prej tyre të intubuar në gjendje të rëndë.